21 лютага ва ўсім свеце адзначаюць Міжнародны дзень роднай мовы.
Адной з прыкмет незалежнасці з’яўляецца наяўнасць сваёй роднай мовы. І кожны грамадзянін сваёй страны павінен яе добра ведаць.
У школе беларускую мову вывучаюць с першага класа і да апошняга. Але ведаць яе ўсе павінны амаль з калыскі. Таму спачатку бацькі прывучаюць немаўлят да роднай мовы праз чытанне казак, пацешак, спяванне калыбельных песень. А затым гэта задача пераходзіць на дашкольную установу адукацыі. І вось тут ужо адной з галоўных задач установы – далучыць выхаванцаў да багацця беларускай мовы, пашырыць іх слоўнікавы запас, фарміраваць любоў і павагу да яе.
21 лютага выхаванцы дзіцячага сада № 2 г. Гарадка праводзілі Дзень роднай мовы. У кожнай узроставай групе выхавацелі арганізавалі выставу дзіцячых кніг беларускіх пісьменнікаў і казачнікаў. Для дзяцей самага малодшага ўзросту была праведзена акцыя “Чытаем беларускія казкі”, завочнае падарожжа пад назвай “Беларускі краявід”.
У старэйшых групах выхавацелі прыдумалі сапраўдную гульню-квэст пад назвай “У нашым краі дарагім”.
Валянціна Васільеўна Яцутка правяла агульны занятак, на якім дзеці замацавалі веданне роднай мовы і намалявалі малюнкі па тэме.
Па завяршэнні дня дзеці ўсіх узроставых груп прадставілі малюнкі “Мая радзіма — Беларусь”.
Святлана КАНДРАЦЬЕВА, фота установы адукацыі.
